Chapter 61

Erika's Pov

Hindi ako nakapagsalita ng ilang minuto nang marinig ko ang sinabi ni David. Gusto niya akong pakasalan. Alam ko na hindi niya ako lolokohin katulad ng ginawa ni Charles.

"Hindi ganoon kadali ang gusto mong mangyari, David. At magiging unfair sa'yo kung papayag akong magpakasal sa'yo para lamang makalimutan ko si Charles. Ayokong matali ka sa isang relasyon na tanging ikaw lamang ang nagmamahal dahil alam ko kung gaano kasakit iyon, David. Kaibigan kita kaya gusto kong ang babaeng mahal mo at tunay na nagmamahal sa'yo ang pakakasalan mo at makakasama habambuhay. Hindi katulad ko na papayag lamang magpakasal sa'yo para makalimutan ang isang lalaking nanakit sa akin," mahabang paliwanag ko kay David. Lahat ng mga sinabi ko sa kanya ay sinsero at galing sa puso ko.

"Kagaya ng sinabi ko ay nakahanda akong magpagamit sa'yo hanggang sa makalimutan mo si Charles, Erika. Hindi siya ang tamang lalaki para sa'yo. At alam ko na balang araw, pagdating ng tamang panahon ay makakalimut