Chapter 63

Erika's Pov

Sa halip na puntahan si Charles sa bahay niya para sabihin sa kanya ang natuklasan kong kasinungalingan ni Chona ay nagpasya akong ipagpabukas na lamang ito. Gabi na at tiyak nagpapahinga na si Charles ngayon kaya hindi ko na lang muna siya aabalahin. Pumasok na lang muna ako sa isang ice cream parlor at kumain ng ice cream para lumamig ang ulo ko. Pagkatapos kong kumain ng ice cream ay bumalik ako sa supermarket para muling mamili ng mga grocery stocks at toiletries.

Pasalamat ako na wala na si Chona sa grocery kaya hindi na muling nag-krus ang landas namin sa loob ng mall. Baka sa labis na kahihiyan ay umuwi na lamang ang babaeng iyon. Hindi ko napigilan ang muling makaramdam ng galit sa kanya. Hindi ko akalain na magagawa niyang magsinungaling sa labis na pagmamahal niya kay Charles. Sa tingin ko ay hindi lang niya mahal ang lalaki kundi obsessed na siya sa kanya.

Matapos kong makapagbayad sa mga pinamili kong groceries ay nagpasya akong umuwi na. Paglabas ko ng m