Chapter 68

Charles' Pov

Dahil iniisip ni Erika na pinatay ko ang mga magulang niya sa pamamagitan ng hit and run ay nag-imbestiga ako. Base sa mga larawan at detalye na nakita at nabasa ko sa folder ay nangyari ang pagpatay sa mga magulang nito sa petsa matapos ang pakikipag-usap ko sa kanilang dalawa. Ngunit ang natatandaan ko nang gabing iyon ay ligtas naman silang nakaalis sa restaurant kung saan kami nagkita.

Nakatingin ako sa mga magulang ni Erika nang sumakay sila sa kotse nila dahil magkatabing nakapark ang mga kotse namin. Sa impormasyong ito ay agad na malalaman na fabricated ang mga impormasyon na nasa loob ng folder na iniwan ni Erika sa bahay ko.

Hindi ko alam kung ano ang purpose ng taong nagbigay kay Erika ng mga maling impormasyon ngunit hindi ko siya hahayaan na magtagumpay sa anumang binabalak niyang mangyari lalo na kung may kinalaman ito sa kanya.

"Are you sure na dito ang bahay ng lalaking nakakita noong gabing may nasagasaan kang dalawang aso?" tanong ni Tony na siyang pumu