Chapter 72

Erika

Pagpasok ko sa opisina ay hindi nagtagal pumasok din si David. Sinundan niya ako para siguro magpaliwanag kung bakit si May na ang CEO ng kompanya nito.

"I'm sorry, Erika. I'm sorry because—"

"Hindi ang sorry mo ang nais kong marinig kundi ang paliwanag mo, David! Mahigit two weeks kang hindi nagpakita sa kompanya mo tapos ngayon ay babalik ka rito para lamang sabihin na ibang tao na ang CEO ng kompanya na parehong pinahirapan nating mapalago? Ano ba ang nangyari sa'yo, David? Hindi ka naman dating ganyan!" Hindi ko napigilan ang pag-alpas ng galit sa aking dibdib kaya biglang tumaas ang aking boses.

Umupo si David sa couch at problemadong inihilamos ang mga palad sa mukha. Laglag ang mga balikat nito na para bang may mabigat itong pasan sa mga balikat.

"It's all my fault, Erika. I was so hurt dahil hindi mo ako mahal at hindi mo ako kayang mahalin. Hindi ako pumasok sa office dahil ayokong magtagpo ang mga landas natin. Hindi kita kayang harapin dahil nasasaktan lamang ako kapa