Chapter 77

Erika's Pov

Abala ako sa pagtipa sa keyboard sa laptop ko nang pumasok si David sa opisina ko. Base sa hitsura ng mukha niya ay may dala siyang hindi magandang balita para sa akin.

"What is it, David?" agad kong tanong sa kanya pagkaupo niya sa visitor's chair na nasa harapan ng aking table.

"Alam mo na ba ang balita tungkol kay Charles, Erika?" tanong naman niya sa akin.

Bigla akong kinabahan nang mabanggit niya ang pangalan ni Charles. Ilang araw nang hindi nagpapakita sa akin si Charles. Ang huling pagkikita at pag-uusap namin ay noong inihatid niya ako sa bahay matapos kong mag-overtime. Pagkatapos ng gabing iyon ay hindi na siya ulit nagparamdam sa akin. Hindi na niya ako sinundo sa trabaho para ihatid sa bahay ko. Ngunit may tatlong kalalakihan akong nakita na palaging nakabuntot sa akin. Sa una, inisip ko na masasamang tao sila ngunit isnag beses ay nakita ko si Tony na kasama nila habang nakasunod sila sa akin kaya agad kong naisip na si Charles ang nag-utos sa kanila na b