Chapter 81

Erika Pov

Pagkatapos ng kasal namin ni Charles ay nag-honeymoon kami ng isang Linggo sa Bangkok, Thailand. Pagbalik naman namin sa bansa ay bumisita lamang siya sa kompanya niya. Hindi pa siya papasok dahil magbabakasyon naman kami at maglilibot sa iba't ibang bansa kasama si Rose. Nais nitong sulitin ang mga taon na hindi niya kami nakasama.

Una kaming nagpunta sa South Korea, kung saan ay namasyal kami sa Jeju Island. Sumunod naman sa Japan. Winter season sa nasabing bansa kaya naman eksakto lamang ang pagpunta namin dito.

"Mom!" napalingon ako sa pinanggalingan ng boses ng anak ko. Pagharap ko ay bigla na lamang sinalubong ng malaking snowball ang mukha na ibinato sa akin ng anak ko. Malakas na natawa naman si Charles nang makitang napuno ng maliliit na snow ang mukha ko.

"Ah, gusto mong maglaro ng batuhan, ha?" Yumuko ako at dumakot ng snow at ginawang snowball. "Tumakbo ka na dahil nandiyan na ako, Rose!"

Napasigaw si Rose nang tumakbo ako palapit sa kanya habang binabato siya ng