Chapter 76

Erika

Wala pang isang minuto akong nakakabalik sa opisina ko ay biglang nagsipasok sa loob ng aking opisina ang ilang empleyado na nakarinig sa galit na sigaw ni May mula sa loob ng opisna nito.

"You're the best, Ma'am Erika. Akala siguro ng babaeng iyon na walang sinuman sa loob ng kompanya ang may malakas ang loob na kalabanin siya," sabi ng sekretarya ng sekretarya ni May na sa halip ay sa boss nito kumampi ay sa akin pa siya kampi.

"Magmula nang maging CEO siya ng kompanya ay parang reyna siya kung makapag-utos sa amin, Ma'am Erika. Hindi mo lang alam kung gaano kaming lahat naiinis sa kanya. Mabuti nga at inilagay mo siya sa dapat niyang kalagyan," wika naman ng sekretarya ni David.

"Huwag niyong hayaan na apihin niya kayo. At ipanalangin niyo rin na sana ay maibalik na sa pamamahala ni David ang kompanya para mapalayas na rito ang babaeng iyan," sabi ko sa kanila habang naiiling.

"Tama ka, Ma'am Erika. Ipapanalangin namin ang bagay na iyan para wala ng bruha sa kompanyang