Chapter 74

Erika Pov

Pagmulat ko ng aking mga mata ay agad kong napansin na nasa loob na ako ng ospital. Biglang nangunot ang aking noo. Ngunit hindi dahil nasa loob na ako ng ospital kundi dahil nakita ko si Charles sa loob ng silid na kinaroroonan ko at nakaupo sa upuan habang nakatitig sa akin. Ano ang ginagawa niya rito? Siya ba ang nagligtas at nagdala sa akin sa ospital?

Sinubukan kong bumangon ngunit muli lamang akong napabalik sa pagkakahiga sa kama dahil biglang kumirot ang ulo ko na nababalutan ng benda. Agad namang napalapit sa akin si Charles para pigilan ako sakaling magtangka akong bumangon muli.

"Stay in bed, Erika. Kakabalik lang ng malay mo kaya mahina pa ang katawan mo," kausap niya sa akin sa seryosong mukha. Akmang hahawakan niya ang braso ko ngunit mabilis ko itong naiiwas sa kanya.

"Stay away from me. Hindi ko kailangan ang tulong mo," mariin ang boses na sagot ko sa kanya. Kung iniisip niya na nakalimutan ko na ang ginawa niya sa mga magulang ko ay nagkakamali siya. Kahi