Chapter 69

Charles' Pov

Sabay kaming napakunot ng noo ni Tony nang makita namin ang reaksiyon ni Dindo nang makita niya ako. Bigla itong namutla na para bang nakakita ng multo.

"Magandang gabi, Dindo," bati ko sa dati kong employee.

"S-Sir C-Charles. Ano po ang ginagawa niyo rito sa bahay ko? May kailangan po ba kayo sa akin?" nauutal na tanong nito sa akin. Nagkatinginan kami ni Tony dahil sa kakaibang ikinikilos ni Dindo ngunit nagkunwari kaming hindi napansin ang pagkataranta nito.

"May kailangan ako sa'yo kaya kita pinuntahan. May mga itatanong ako sa'yo na ilang bagay at sana ay masagot mo ako. Malaking tulong sa akin kung magsasabi ka ng totoo," prangkang wika ko kay Dindo. Lumunok ito ng ilang beses at iniiwas sa akin ang kanyang mga mata na para bang makikita ko sa mga mata niya ang katotohanan.

"A-Ano ang gusto mong malaman, Sir Charles?" nauutal pa rin na tanong niya sa akin. Halatadong may takot itong nararamdaman.

"Bago kita tanungin ay hindi mo ba kami papapasukin sa loob ng baha