Chapter 64

Erika's Pov

Hinila ni Chona ang walang malay na katawan ni Tess at itinabi sa akin. Wala siyang kamalay-malay na gising na ako kaya nang nasa tabi ko na siya ay bigla kong sinipa ng malakas ang kanyang tuhod. Napaluhod siya at napangiwi sa sakit.

"Gising ka na pala, Erika. Dapat ay hindi ka na gumising para hindi mo maramdaman ang sakit kapag pinatay na kita," nakangising wika ni Chona sa akin.

"Hindi ko hahayaan na magtagumpay ka sa masama mong plano laban sa akin," mariing sagot ko sa kanya pagkatapos ay mabilis akong bumangon at binigyan siya ng maraming sampal. Hindi niya inaasahan ang gagawin ko kaya siguro hindi siya nakalaban. Hindi ako huminto sa pagsampal sa kanya hangga't hindi siya nawawalan ng malay. Nang matumba siya at nawalan ng malay ay agad kong ginising si Tess. "Tess, gising! Kailangan nating makaalis sa lugar na ito."

Hindi puwedeng iwan ko si Tess sa lugar na ito at iligtas ang aking sarili dahil natitiyak kong hindi siya bubuhayin ng kaibigan niyang nababaliw. Ka