Chapter 60

Erika's Pov

"Puwede bang umalis na tayo, David? Gusto ko nang umuwi," sabi ko kay David nang bumalik ako sa kanyang tabi. Pinilit kong hindi pumiyok ang tinig ko dahil may ibang mga kasama ito sa mesa.

"What's the matter?" nag-aalalang tanong ni David sa akin sa mahinang tinig.

"Please, I want to go home," pakiusap ko sa kanya sa halip na sagutin ang tanong niya.

Nang hindi sinasadya ay nakita ni David si Charles na nakatayo hindi kalayuan sa amin at nakatingin ay agad nitong nahulaan kung bakit gusto ko nang umalis sa party.

Nagulat ako nang makita ko si Charles sa party. Hindi ko inaasahan na makikita ko siya pagkatapos ng huling pag-uusap namin. Ngunit ano nga ba ang inaasahan ko? Nasa party si Chona kaya natural lamang na narito din si Charles. Buntis ang babae kaya kailangan nitong alagaan. Sa ugali ni Chona ay natitiyak kong gusto nitong palaging kasama si Charles kahit saan man ito magpunta.

Agad na nagpaalam si David sa mga kausap nito bago tumayo at hinawakan ang aking sik