Chapter 58

Charles' Pov

Malakas na ibinato ko sa dingding ang basong hawak ko. Agad na nagkapira-piraso ito nang tumama sa pader.

"Mona! Bring me a glass here!" malakas ang boses na utos ko sa maid. Nasa loob ako ng aking silid ngunit sinigurado ko na maririnig ng kahit sino sa maids ko ang boses ko. Ilang minuto lamang ay may baso na ulit ako ngunit hindi isa sa mga maids ko ang nagdala sa loob ng aking silid ng baso kundi ang kaibigan kong si Tony.

"Walang kahit isa sa maids mo ang gustong pumasok sa silid mo. Natatakot silang pagbalingan mo ng galit." Napapalatak si Tony nang makitang magulo ang silid ko. Maraming nagkalat na basag na bahagi ng baso sa sahig, magulong kagamitan, at amoy-alak ang loob ng aking silid. "Ano ba ang nangyayari sa'yo, Charles? Ikaw pa ba ang kaibigan na kilala ko?"

Kinuha ko muna ang baso na hawak ni Tony, nilagyan ng alak at pagkatapos ay agad kong ininom bago ko siya sinagot. "Wala ng pag-asa na magkabalikan pa kami ni Erika, Tony. Hindi daw niya ako mahal at si