Chapter 54

Erika's Pov

Dalawang araw lamang akong namalagi sa ospital pagkatapos ay hinayaan na ako ng doktor na ma-discharge. Sinundo ako ni Charles sa hospital at hinatid hanggang sa hotel na pansamantalang tinutuluyan ko. Gusto sana nito na sa bahay nito ako muling tumira ngunit mariin akong tumanggi. Ayokong manggulo si Chona kapag nalaman nitong sa bahay ni Charles ulit ako nakatira.

"Are you sure that you're okay in this hotel? Paano kung makapasok dito ang taong nagtatangkang pumatay sa'yo?" Hindi mapigilan ni Charles ang mag-alala sa akin. Kahit na hindi niya sabihin sa akin na nag-aalala siya ay nakalarawan naman ito sa kanyang mukha.

"Mahigpit ang security sa hotel na ito kaya wala kang dapat na ipag-alala. Ligtas ako rito," pangungumbinsi ko sa kanya. Di hamak na mas mahigpit ang security ng hotel na ito kaysa sa kompanya ni David. Marami kasing nakatira at guest sa hotel na mga taong hindi basta-basta ang background. May mga pulitiko na sa hotel na ito itinira ang kabit nila at mag