Chapter 46

Erika's Pov

"Mabuti at dumating ka, Charles. Help me. Sinasaktan ako ni Erika," umiiyak na sumbong ni Chona nang makalapit si Charles sa amin.

"Bitiwan mo ang braso ni Chona, Erika," mariin ang boses na utos ni Charles sa akin. Base sa ekspresyon ng kanyang mukha ay hindi ko na kailangan pang magtanong sa kanya kung sino sa amin ni Chona ang pinaniniwalaaan. Obviously, naniniwala siya kay Chona na napakagaling mag-drama.

"Sa susunod ay huwag mo akong gagalitin sa umaga kung ayaw mong habambuhay na maging twisted iyang braso mo," banta ko kay Chona bago ko padaskol na binitiwan ko ang braso nito.

"Ouch. It hurts so much, Charles," umiiyak na sabi ni Chona kay Charles. Ipinakita pa nito sa lalaki ang namumulang bahagi ng braso nito dahil sa mahigpit na paghawak ko sa kanya.

"Ano ba ang problema mo, Erika? Bakit ka nananakit ng ibang tao? Hindi ka naman ganyan dati," galit na sita ni Charles sa akin.

Gusto nang mapatid ng pagtitimpi ko ngunit pinigilan ko ang aking sarili.