Chapter 44

Erika's Pov

Malalim na ang gabi ngunit gising pa rin ako. Hinihintay ko kasi ang pagdating ni Charles. Hindi pa siya umuuwi mula sa buong maghapon magmula nang umalis siya kaninang umaga. Siguro ay nasaktan ko siya ng labis kaya ayaw niya muna akong makita.

Ilang minuto na lamang bago maghating-gabi nang marinig ko ang tunog ng paghinto ng isang kotse sa tapat ng bahay ni Charles. Agad akong sumilip sa bintana ng aking silid para tingnan kung si Charles na ba ang dumating.

Tama ako. Si Charles nga ang dumating. Ngunit hindi siya sakay ng kotse niya kundi kotse ni Chona. Inihatid ng babae si Charles dahil mukhang lasing na lasing. Dumukwang si Chona palapit kay Charles ngunit hindi ko nakita kung hinalikan ba niya sa labi o sa pisngi ang huli dahil madilim sa harapan ng gate. Ngunit kahit na hindi ako sigurado kung hinalikan ba ng babaeng iyon si Charles ay hindi ko pa rin maiwasan ang pagkulo ng dugo ko dahil sa selos.

Nang pumasok si Charles ay hindi na sumama si Chona at agad na ito