Chapter 43

Erika's Pov

Parehong tahimik kami ni Charles habang sakay sa kotse niya pauwi sa bahay niya. Nakikita ko ang pagtatagis ng kanyang mga ngipin at ang mahigpit na paghawak niya sa manibela ngunit hindi pa rin ako umiimik. Tinanggihan ko ang kanyang marriage proposal kaya naiintindihan ko ang nararamdaman niya ngayon. Ngunit hindi ko siya tinanggihan dahil ayokong magpakasal sa kanya o di kaya hindi ko siya mahal. Ang totoo ay labis ang saya na naramdaman ko kanina nang mag-propose siya sa akin ng kasal. Ngunit hindi ko maintindihan kung bakit nakaramdam din ako ng takot at pag-aalinlangan. Iyon ang dahilan kung bakit hindi ko tinanggap ang kanyang marriage proposal.

Walang dudang mahal ko si Charles at gusto ko siyang maging asawa. Ngunit kailangan kong hanapin ang kasagutan sa takot at pag-aalinlangan na naramdaman ko. Kailangan kong malaman kung saan nagmumula ang nararamdaman kong ito.

Pagdating namin sa bahay ay hindi pa rin ako kinakausap ni Charles. Kung gaano kami kaingay nang um