Chapter 17

Lumipas ang buong araw na nasa bahay lang kami ni Uno. Si Zero kasi ay agad na pumunta ng Z Hotel upang mag-asikaso ng mga kailangan niyang gawin.

Kinabukasan ay tsaka lamang kami nag-decide na papuntahin si Tita Helena sa Z Hotel kaya maaga akong nag-ayos upang makapunta sa Hotel kasama si Uno. Tumawag rin kanina si Tita at ramdam ko ang pananabik niyang makita kami.

Inayusan ko si Uno at binihasan ng maayos. Hinanda ko na rin ang kanyang mga bote at gatas na iinumin niya mamaya. Kumuha rin ako ng ilang baby clothes kung sakali man kailanganin kong palitan si Uno.

Natapos ang pag-aayos ko ng maaga kaya maaga rin kaming aalis ngayon. Kinuha ng driver ni Zero ang iba kong dala at nilagay sa compartment ng sasakyan para makarga ko si Uno.

Halos lumagpas ng kalahating oras ang naging biyahe namin. Mabuti na lamang ay maaga kaming umalis dahil kung hindi, sobrang mata-traffic kami.

“Love! Okay lang ba kayo? Kumusta ang biyahe?” Pagsalubong ni Zero sa amin at binuhay si Uno. Ni