Kabanata 36| Maswerte ako dahil siya ang mapapangasawa ko

Ilang minuto ring naghintay ang magulang ni Maddox sa baba sa kan’ya. Pati na si Sapphire ay nagpumilit pang sumama sa prenup wedding ng ate niya. Ngayon gaganapin ang photoshoot pati na ang wedding video ng dalawang ikakasal.

“Talaga bang sasama ka, Darling? Hindi ba't sabi mo sa amin ay masakit pa ang mga paso mo sa leeg? Tingnan mo, namumula pa rin ang leeg mo kahit na nilagyan mo na ito ng ointment,” saad ni Carmina sa anak.

“I am okay, Mom. Don't worry, kaya ko namang i-handle ang sarili ko, isa pa gusto kong ma-witness ang prenup photshoot ng Ate.” Ramdam ni Carmina ang kunting pagtampo ng bunsong anak sa kan'ya.

“Hindi ka naman nagtatampo sa akin ‘di ba? Ginawa ko lang naman iyon dahil iyon ang sabi ng Daddy mo, isa pa kapag mas pinanigan kita ay baka umatras sa prenup ang Ate mo. Ayaw kong gumawa ng bagay na ikakagalit niya sa ngayon,” bulong ni Carmina kay Sapphire. Dahan-dahang tumango si Sapphire at napatingin sa Ate niyang bumaba sa hagdan. Mukha pa ring sosyal si Maddo