Kabanata 42| Marites@2.0

Nang makarating si Sapphire sa venue ay agad na sinalubong siya ng apo ng Heneral, naisip ni Sapphire na tunay ngang may gusto si Lance De Jucos sa kan'ya.

Ngumiti siya ng matamis at binati ang binata. Magalang na napatango si Lance sa kan'ya subalit hindi man lang siya nito tiningnan bagkus tinawag nito ang isang servant sa mansyon.

“Pakisamahan si Ms. Sapphire Corpus sa loob,” wika ng binata. Napatango naman ang servant ngunit nang maglakad ito ay agad siyang nagsalita.

“W-Wait. P-paano ang regalo ko?” tanong ni Sapphire sa servant kaya napatingin ito sa malaking kahong regalo niya. It was a gift for the General.

Napatingin naman ang servant kay Lance na para bang nagtatanong, na-gets naman ng binata iyon kaya muling nagsalita ito. “Pakidala na lamang sa loob.”

Alam ni Lance kung ano ang ugali ng babaeng nasa harapan niya, ayaw man sana niyang imbitahan ang dalaga ngunit humingi ng pabor si Rain sa kan'ya. Pambawi raw nito dahil hindi naka-attend ang babae sa birthday party ng