Kabanata 44| Pwede ba tayong magkita?

Kita ni Maddox ang determinadong tingin sa kan'ya ng binatang kausap niya. Kita niya ang maluha-luha nitong mga mata kaya bigla siyang nakaramdam ng awa.

“Gusto ko munang tingnan ang lagay ng kapatid mo,” sagot niya kaya sunod-sunod ang pagtango ni Rain. Hindi pa rin kasi na-o-overcome ni Maddox ang kan'yang problema patungkol sa pag-perform niya ng surgery. Hanggang ngayon ay nanginginig pa rin ang mga kamay niya. Baka kasi kung kailangan ng kapatid nito ang surgery ay baka umatras na lamang siya. Subalit gusto niya pa ring subukan, kailangan niyang subukan para bumalik ang kakayahan niyang makapag-surgery ulit.

“Pwede ko bang mahingi ang account mo, Dr. Corpus? Huwag kang mag-alala, hindi kita iisturbuhin,” tanong ni Rain sa dalaga saka kinuha ang telepono nito sa bulsa.

Ilang segundong nag-isip si Maddox saka napatango. “Sige.”

Malaki naman ang ngiti ni Rain nang pumayag ang babae na ibigay ang account nito sa kan'ya. Nang mabigay na ng babae sa kan'ya ang telepono niya ay ma