Kabanata 52| Dr. Lyndon Guerrero

Nakatanggap si Maddox ng tawag mula sa kan’yang kaibigan na nasa US. It was her childhood friend, Lyndon Guerrero. Matagal na niyang hindi nakikita si Lyndon, ilang taon na din siguro iyon. Tatlo? Apat? Hindi niya na maalala pa.

“Hello? Lyndon? Ba’t napatawag ka?” tanong niya sa lalaki.

“Aba! Hindi mo man lang ba ako kukumustahin muna? Ilang taon na tayong hindi nagkikita at nagkaka-usap tapos ‘yan lang ang sasabihin mo sa akin? I got hurt, Dr. Angel!” rinig niyang sagot ng lalaki sa kabilang linya kaya napairap si Maddox.

“Hindi ka pa rin nagbabago, hindi ka naman tatawag sa akin kapag wala kang kailangan. Ano nga? Bakit napatawag ka, Mr. Guerrero?” tukso niyang saad kay Lyndon habang nakangiti ng malaki. Sa katunayan, na-miss niya ang kakulitan ng lalaki, hindi niya alam kung bakit ngayon lang nagparamdam ang lalaki sa kan’ya akala niya’y kinalimutan na siya nito.

“Geez, kilalang-kilala mo nga talaga ako. Narito ako sa NAIA, pwede mo ba akong sunduin dito? Let’s have a dinner, m