Kabanata 54| Ang mga marites na investors

Hindi maka-focus si Kai Daemon sa meeting nila ng investors, ni hindi nga siya nakikinig sa mga ito, panay lamang ang tango niya habang nagsasalita at nagpapaliwanag ang mga investors sa kan'ya.

Tanging ang nasa isip lang ng lalaki ay si Maddox, iyong scene na nakita niya kani-kanina lang. Kumuyom ang kan'yang kamao na nakatago sa ilalim ng mesa. Kitang-kita niya kung gaano kasaya si Maddox sa matipunong lalaking nasa harapan nito. Ni minsan ay hindi nagawang tumawa ng malakas si Maddox sa kan'ya kapag kasama siya. Hindi man niya matanggap ngunit nilalamon talaga siya ng selos kapag naiisip ang dalawang taong nakita niya kanina.

Mabilis na nilagok ni Kai ang glass of wine na nasa harapan niya. Nagulat naman ang mga investors sa ginawa niya, biglang na-concious at natakot tuloy ang mga kalalakihan sa harap niya. Iniisip nilang baka may nasabi silang nakapag-stress at inis sa lalaki. Kaya agad namang naisipan ng kalalakihan na humingi ng tawad kay Kai ngunit hindi pa nga sila nagsasali