Kabanata 57| Ang Sumbungerang si Sapphire

Bumungad kina Carmina at Sebastian ang kaawa-awang mukha ng kanilang anak na si Sapphire. Kumunot ang noo ni Carmina nang makitang dumudugo rin ang labi ng anak at gulo-gulo ang buhok. Halatang galing ito sa pakikipag-away.

Mabilis na nilapitan ni Carmina ang bunsong anak saka hinawakan nito ang magkabilang pisngi. Napa aray naman si Sapphire kaya napatingin naman si Carmina sa pisngi nito. Bakas na bakas ang sampal sa pisngi nito't namumula pa.

“Sino ang gumawa sa'yo nito? Anong nangyari?” nagaalalang tanong ni Carmina at napapaluha dahil sa sinapit ng anak.

“M-Mommy!! Si Ate Maddox po ang gumawa sa akin nito.” Hindi naman napigilan ni Sapphire ang mapaiyak nang makita ang awa sa mga mata ng ina. “Pinagsasabihan ko lang naman siya kanina. Ayaw nitong pinagsasabihan siya kaya nagalit ito. I was just worried about her, Mommy but she slapped me so hard, pulled my hair and pushed me to the ground!”

Napayakap naman si Carmina sa kaawa-awang anak nang marinig ang kwento nito.

“Si Maddo