Kabanata 50| Erectile Dysfunction

Nang makarating si Maddox sa clinic ni Dr. Reyko Takahashi ay agad na bumungad sa kan'ya si Kai Daemon na nakaupo sa wheelchair nito at naghihintay sa kan'yang pagdating. Nang marinig ng lalaki ang tunog ng pagbukas ng pintuan hudyat na may pumasok sa loob ng clinic ay agad na napalingon ito.

Nginitian ni Maddox ang lalaki saka nilapitan.

“Nasaan pala si Dr. Takahashi? Bakit hindi mo kasama?” tanong ni Maddox sa binata. Nagulat si Maddox nang hindi makita sa loob ang kaibigan ni Kai Daemon na si Reyko. Sa pagkakaalam niya ay hindi pa rin ito kumbinsido sa treatment niyang gagawin sa kaibigan kaya palagi itong sumasama sa session nila, kaya naman naging palaisipan sa dalaga kung bakit wala ito sa clinic nito.

“May inasikaso s'yang mahalagang tao kaya wala siya rito. May tiwala na rin naman siya sa'yo kaya iniwan niya na ako sa pangangalaga mo.”

Tumango naman si Maddox at walang sinayang na oras at sinimulan na ang treatment sa lalaki. Tatawagin na sana ni Daemon ang assistant nito