Kabanata 43| Please save my brother

Natapos ang naging follow up check up ni Maddox kay Heneral De Jucos. Weekly din ang pagbisita ni Maddox sa matanda kaya mas natutuunan niya ito ng pansin, hindi rin naging pasaway ang matanda sa kanya't sumusunod palagi ito sa mga advice niya.

Labis naman ang saya ng matanda nang maramdamang unt-unti nang bumabalik ang kan'yang lakas. Nakaupo ito sa wheelchair habang nakangiting nakatangin kay Maddox.

“Pasensya ka na hija at maraming salamat sa pagbisita ulit sa akin ngayon,” wika ni Heneral De Jucos sa dalagang doktor. Ngumiti naman si Maddox at huminto sa pag-aayos ng kan'yang medical bag.

“Trabaho ko po ito, Heneral at masaya akong pagsilbihan kayo.”

Ilang minuto rin silang nag-usap hanggang sa napagpasyahan ni Maddox na umalis sa mansyon. Bago muna iyon ay binati niya ang matanda, laking tuwa naman ng matanda nang marinig iyon sa dalaga.

“Pasensya na po at wala akong regalo sa'yo, heneral. Dali-dali kasi akong pumunta rito at buong araw din akong nakasubsob sa trabaho. Huwag