Kabanata 41| Invitation letter

Nang makauwi si Maddox sa bahay nila ay agad na sumalubong sa kan'ya sina Carmina at Sapphire.

“Kumusta ang photoshoot, anak? Hindi kami naka-attend dahil tumawag si Mrs. Xander sa akin kanina, sabi niya ay huwag na raw kaming pumunta sa photoshoot at iyon ang request ni Kai sa kan'ya. Ayaw naman naming hindi sumunod dahil baka magalit ito, pasensya na anak kung umasa kang pupunta kami sa photoshoot mo,” paliwanang ni Carmina kaya naman napatango na lamang si Maddox. Wala siyang naintindihan sa sinabi ng ina dahil sobrang pagod na ang buong katawan niya, nangangalay na rin at kumikirot ang kan'yang mga paa dahil sa mataas na heels na suot niya kanina. Sa isip-isip ni Maddox mas mabuti na ngang hindi sila nakapunta roon dahil alam niyang magiging disaster lamang ang photoshoot nila ni Kai Daemon.

“Sobrang nakakapagod ang photoshoot, Mama. Pero okay naman, nairaos naman namin ang prenup photoshoot. Huwag kayong mag-alala by next week ay ibibigay na ng photographer ang larawan namin ni