Kabanata 38| Nahihiya ako sa'yo

Kanina pa tumitibok ng mabilis ang puso ni Kai dahil sa nangyari. Pinilit niyang pinapakalma ang sarili ngunit hirap siyang kumalma.

Kanina pa naiinis si Kai sa sarili dahil sa nararamdaman ngayon, hindi niya mainitindihan kung bakit naghuhumirintidi ang puso niya pagdating sa babae. Litong-lito na siya sa nararamdaman niya, para na siyang mababaliw dahil sa kakisip kung bakit bumibilis ang tibok ng puso niya kapag nakikita o nakakasama man lang ang babae.

Epekto ba ito ng aksidente? Kailangan niya na rin bang magpa-check up sa puso?

Napayuko si Kai at napailing.

“Ahhh— Mukhang wala pa naman ang manager eh, niloloko mo ata ako, Mr. Xander. But, nevermind I'll just wait for her,” sagot ni Maddox at napatayo.

Nang makita ni Maddox na wala pa naman ang manager sa loob ay bigla siyang nalungkot. Hindi dahil wala ang manager kung ‘di ay nagsinungaling sa kan'ya si Kai. Alam niyang hindi pa rin komportable si Kai sa kan'ya at naiintindihan niya naman iyon. Hindi naman niya pipilitin ito