Kabanata 35| A fair treatment

Ilang araw ang nakalipas nang mangyari ang inkwentro nina Maddox at Sapphire. Nang malaman ng magulang nila na nag-away ang magkapatid, imbis na kunin ang side ni Sapphire ay kinausap ng mag-asawa ang dalawang magkapatid ng harapan.

Kitang-kita ang pagkadismaya ni Sapphire nang hindi man lang siya pinanigan agad ng ina nang magsumbong siya rito. Matapos na ma-discharge siya sa hospital ay agad na kinontak niya ulit ang ina at sinabi ang nangyari.

Bagama't naaawa si Carmina sa anak dahil puno ito ng paso sa leeg at mukha ay pinigilan niya ang sariling magalit kay Maddox dahil pinagsabihan na siya ng asawang si Sebastian na kapag may nangyaring insidente ulit ay huwag munang magdesisyon o mag-react agad bagkus alamin muna ang tunay na nangyari.

Iniiwasan niyang maging one-sided kung kaya't mas pinili nilang mag-asawa na makausap muna ang dalawa. Sa katunayan, iniiwasan din nilang magkaroon ulit sila ng misunderstanding ng panganay nilang anak dahil nalalapit na ang kasal nito.

“Pina