Kabanata 34| Disappointed

Napayuko lamang si Rain sa harap ng kapatid. Ngayon lang niya nakita ang kapatid na sobrang galit na galit sa kan'ya't nakuha pa nitong sigawan siya. Katakot-takot ang aura ngayon ni Kai, nandidilim ang mga mata nito't tinitigan siya ng sobrang lalim.

Para siyang pinagalitan ng isang magulang dahil nakagawa siya ng kasalanan dito. Gusto pa sanang ipaglaban ni Rain ang kan'yang sarili ngunit mas pinili niyang tumango na lamang sa kapatid. Base sa reaksyon at expreksyon ni Kai ngayon, mahirap ngang kumbinsihin ito dahil galit na galit ito sa kan'ya.

Rinig ni Rain ang paghinga ng malalim ni Kai saka muling nagsalita, “Hindi ka na bata para pagsabihan pa ng paulit-ulit, Rain. Matanda ka na at hindi ka na pareho no'ng dating nasusunod palagi at nakukuha ang gusto mo. Bakit hindi mo na lang atupagin ang trabaho mo sa kompanya? Iyon na lang sana ang gawin mo't makakatulong ka pa sa ating pamilya. Hindi mo na kailangan pang sumali sa affair ko dahil buhay ko naman ito. Simula ngayon, wala na