Chapter 16

Naomi

"Umalis ka na sa kaniya, Nao," sabi ni Jacob matapos naming mag-order ng pagkain.

Nasabi ko na sa kaniya ang dahilan kung bakit napunta ako kay Congressman Quinn. Pero hindi ko sinabi ang mga kababuyang ginawa ng mga ito sa 'kin. Ang tanging sinabi ko lang ay hindi ganoon kaganda ang pagtrato ni sa akin ni Congressman.

Malungkot akong ngumiti. "H-Hindi p'wede. Hindi papayag si Nanay."

"Bakit ka ba ganiyan?"

Napatingin ako sa kaniya dahil sa inis sa kaniyang boses.

"Hanggang kailan mo gagawin 'yan?"

"Ang a-alin?"

Nagsalubong ang kilay niya. "Iyan. Iyang kabaitan mo? Naaabuso ka na, Nao. At hindi lang nila, inaabuso mo na rin 'yang sarili mo. Bakit mo ba sila ginagawang mundo?"

Nag-iwas ako ng tingin sa kaniya. "Mahal ko sila, Jacob."

"Naroon na nga tayo sa mahal mo sila. Pero ikaw, inaalala manlang ba nila ang nararamdaman mo? Kahit hindi mo sabihin sa 'kin, alam kong may maling nangyayari. Hindi iyon kayang itago ng mga mata mo."

Agad namasa ang mga mata ko pero pinigilan ko a