Chapter 15

Naomi

Gabi na nang matapos kami sa pagbabalot. Nakapag-dinner na rin kami at nakaalis na ang mga tumulong ay hindi pa bumababa si Congressman simula nang dumating kanina. Siguro ay nagpapahinga pa ito. Mukha kasing pagod na pagod ito kanina. At saka baka kumain na ito sa labas kasama si Andrea.

"Akyatin mo na ang asawa mo sa k'warto," sabi ni Manang Armen sa akin na katatapos lang maghugas ng mga plato.

"P'wede ho ba?" tanong ko.

"Oo naman dahil asawa mo siya," may pagtataka sa boses niyang sagot.

Agad ko namang narealize ang sinabi ko. Dapat hindi ko 'yon itinanong.

"Ah oo naman po. Sige po Manang Armen," pagbawi ko naman. "Pahinga na rin po kayo. Ako na ang bahala rito."

Ngumiti lang naman siya sa akin kaya lumabas na ako at umakyat sa taas. Nagdadalawang-isip pa ako kung kakatok o hindi. Baka natutulog siya at maistorbo ko at magalit pa sa akin.

Naidikit ko ang tainga ko sa pinto nang may marinig na parang umuungol. Iyong ungol na parang nananaginip. Hindi na ako nagdalawang isip