Chapter 8

Naomi

Nanlalata akong bumangon nang magising kinabukasan. Kung p'wede lang na huwag ng bumangon ay gagawin ko. Dito na lang ako sa k'warto at maghihintay na lang ng pagsikat at paglubog ng araw.

Nagpalit ako ng damit at lumabas. Wala ang sasakyan ni Congressman at wala rin si Christian. Bumalik ako sa k'warto at hinalwat ang laman ng isa pang paper bag. Sinuot ko ang sunglasses at facemask na nakuha ko at pagkatapos ay lumabas na ulit.

"Saan kayo pupunta, Miss Naomi?"

Napatigil ako at nilingon ang guard. "A-Ah. Bibisitahin ko sana ang nanay k-ko," sabi ko.

Umalis ito sa guard house, nilapitan ako at pinabalik sa loob. "Pasens'ya na, Miss Naomi. Ibinilin kasi ni Sir Quinn na huwag kayong palalabasin."

Ang hayop na 'yon . . .

Naikuyom ko ang palad ko. Walang hiya talaga ang Quinn na iyon. Wala talaga s'yang puso.

Hinarap ko si manong. "Babalik din naman ho ako kaagad, p-pangako. Kailangan ko lang makita ang nanay ko," pagmamakaawa ko rito.

Napabuntong hininga ito kaya't umasa akong pal