Chapter 14

Quinn

Hours earlier . . .

"Ipaghanda niyo sila ng meryenda, Yaya Armen." Nagsalin ako ng tubig sa baso at uminom.

"Sige po, Sir."

Lumabas na uli ako ng kitchen.

"Aalis na ba kayo, Sir? Maghapunan po muna kayo."

"Sa bahay na lang. Pakisabi na lang kay Papa na umalis na ako."

"Sige po."

Lumabas na ako ng mansion at pumasok sa kotse pero hindi ko muna iyon pinaandar. Kinuha ko ang nabasag kong cellphone at tinawagan ang number ni Andrea. Kung kanina ay nagri-ring ito, ngayon naman ay out of coverage na.

Mabigat akong bumuntong hininga at basta na lang inilagay ang cellphone sa tabing upuan. Pinaandar ko na rin ang kotse at umalis na.

Sa condo ako dumiretso. Naligo lang at lumabas na rin. Pupuntahan ko si Andrea sa penthouse. Hindi ko alam kung naroon siya o nasa mansion ng mga ito pero gusto ko pa ring magbakasakali.

Pumasok na ako sa loob ng elevator at kunot noong tumingin lang sa espasyo.

At nang marating ang pinakataas ay bumukas na ang elevator kaya lumabas na ako at tinungo ang pin