CHAPTER 140: Destiny Plays Different 

“SA KASASAMA MO kay Ruffa, naging taklesa ka na!” Tumatawa pa ring sambit ni King.

Heto na naman tuloy ang masama niyang pagtitig sa binata.

“I’m just telling the truth, Liberty—”

“Wow ha!” sambit niya rin sa binata. “Nang-aasar ka ba o nagsasabi lang ng totoo?” tanong niya rito habang sinusupil din ang ngiti ngunit hindi niya na rin mapigilan na pakawalan ang malakas na pagtawa.

“Dalas-dalasan mo ang pagsama kay Ruffa para gumaling-galing ka pa sa pagsagot.”

Muli siyang natawa sa sinabi ni King at nailing na lamang. Mabuti ng ganitong alam nilang tawanan pareho ang mga nangyayari sa buhay nila kaysa parehong magpalugmok sa problema.

Ngunit ang tawanang iyon ay kaagad ding naantala nang muli siyang sundan ng asawa.

“Mukhang hindi na matutuloy ang paglibre mo sa akin, King,” sambit niya sa binata. “Next time na lang siguro?”

Bumalik na naman ang hilatsa ng mukha nito. Salubong na naman ang kilay ni King.

“Are you sure you can handle them?”

Tumango siya rito nang hindi nililingon an