CHAPTER 147: Consequences of Betrayal

“ANG KAPAL NG mukha mong makipaglampungan habang ang anak ko, iyon! Nag-aagaw buhay!” galit na galit na turan ni Victoria nang makapasok sa ICU.

Bago pa man mahablot nito ang buhok ni Liberty, kaaagad ang naging pagtatago ni King rito sa kanyang likuran.

“Huwag mo itago ang babaeng iyan, King!”

Ngunit walang pakialam ang binata at tila walang narinig na ginawa pa rin ang gusto. Ngayong wala sa sarili si Liberty at walang kakayahan na ipagtanggol ang sarili niya, siya muna ang magiging pananggalang hanggang sa kaya na nitong protektahan muli ang sarili.

“Sinabi ng bitawan mo ang babaeng iyan!” gigil na gigil na sambit nito habang pilit pa ring hinahablot si Liberty. “Kating-kati ka na sigurong makipaghiwalay sa anak ko para magawa mo ang mga gusto mo!”

Bago pa man tuluyang makalapit ito, hindi na nagdalawang-isip si King na itulak nang bahagya si Victoria dahil nakalmot na nito si Liberty. Ang tingin niya nang mga sandaling iyon ay puno ng pagbabanta.

“You’re so unreasonable, Victoria!