CHAPTER 152: The Way She Plays 

PAULIT-ULIT ANG NAGING paghilot ni King sa kanyang sentido. Sa pagkakataong iyon, hindi na lamang ang mga pulis ang kasama niya sa pakikipagtulungan upang mahanap kaagad ang kinaroroonan ni Liberty. Maging ang mga ipinaggigiitan na kaibigan niya raw ay naroong lahat para maging moral support niya.

“Tungkol ito kay Liberty mga, P're!” galit na turan ni Cole. “Siya ang my one and only kapitbahay na aking pinaglulutuan!”

Gustong paikutin ni King ang mga mata at ipagsigawan na ang lahat ng ibinibigay nitong ulam ay siya ang nagluto. Dinadalhan niya ito sa tuwing nawawalan ng gana ang babae na kumain. Maswerte lang ang magaling niyang kaibigan dahil nakalilibre ito ng pagkain kaya pumayag na magpanggap.

“At ikaw?” tanong ni Cole muli sabay turo kay Charles. “Anong ginagawa mo rito?”

“I'm the representative of her bestfriend!” may pagmamalaking sagot nito.

Ganoon na lamang tuloy ang muling pag-ikot ng mga mata ni King. Mukhang hindi titigil ang mga magagaling na ulupong hanggang hindi siya