CHAPTER 153: Don't Fool Around 

ALAM NIYANG GALIT sa kanya ang binata kaya hinahabol niya ito ng tingin ngayon at gustong makapagpaliwanag dito ngunit hindi niya alam kung paano. Paulit-ulit niya na lang itong inilalagay sa alanganin. Ngayon lamang din napagtanto ni Liberty na masyado niya na palang naaabuso ang lalaki.

Ito ang parating sumasalo sa kanya mula nang pagdaanan niya ang pakikipaghiwalay sa asawa ngunit wala siyang naging sukli sa mga kabutihan nito. Tahimik ang buhay dati ng binata ngunit magsimula nang makilala siya ay nagkandaletse-letse na iyon.

Akala niya hindi na tuluyang iimik si Kng dahil nasa parking lot na sila ng police station para makapagsumiti siya ng medical record ngunit tamang-tama nang makabababa ng sasakyan at sila na lamang ang naiwan ay ganoon na lamang ang malakas na pagtatanong sa kanya nito.

“Ano bang ginagawa mo sa buhay mo?” malakas na tanong ng binata.

Dahil nasa likuran niya ito, hindi magawang lingunin ni Liberty si King. Natatakot siya na makita ang ekspresyon ng binata. Hi