CHAPTER 149: The Mind Games

“SIGURADUHIN NIYONG HINDI magsasalita ang isang iyan!” galit na turan ni Benjamin. “Kung kinakailangan, palipatin niyo sa probinsya o ‘yung mas malayo na hindi matutunton nila! Nagkakataintindihan ba tayo?”

Nahilot niya ang sentido dahil sa pagiging tanga ng inutusan niya. Kabilin-bilinan niya’y huwag itong papahuli sa kahit sino ngunit ito rin mismo ang nagbalita sa tauhan niya na may posibilidad daw na nakita ito ni Liberty.

“Give him money in cash!” sigaw niya pang muli sa cellphone na hawak. “Huwag na huwag kayong mag-iiwan ng ebidensyang magiging dahilan para madawit ang pangalan ko!”

Nahilot muli ni Benjamin ang sentido bago pilit na kumakalma. Napakalinaw ng planong ibinigay niya. Pagsunod na nga lang sa inuutos niya ang magiging ambag ng mga ito ngunit kahit iyon ay mukhang hindi alam gawin ng mga palpak niyang tauhan.

Sa pagharap niya sa center table ng opisina sa bahay, Ganoon na lamang ang pagkatok ng matinding kaba kay Benjamin matapos na makita ang ama na nasa likuran n