CHAPTER 146: The Strongest Soldier

HABOL NI LIBERTY ang paghinga habang dahan-dahan ang paglapit niya sa kanyang asawa. Hindi siya makapaniwala na ang katulad ni Duncan na mahal na mahal ang sarili niya ay nakahandang ilagay ang buhay sa kabilang hukay para sa kanya.

Yuping-yupi na ang harapang bahagi ng sasakyan nito habang ang sasakyan ay nakabaliktad na dahil sa lakas ng pagtilapon nito kanina. Umuusok na rin ang sasakyan kaya lalong delikado na lumapit doon ngunit hindi niya kang manood lamang, pinuntahan niya ito nang walang pagdadalawang-isip upang malaman ang kundisyon ng asawa.

Ganoon na lamang ang paghinga niya nang maluwag makasiguradong buhay pa ito.

Habang abala sa pagtawag ng ambulansya ang kanyang abugado, umikot naman ang mga mata ni Liberty sa kanyang paligid nang makita niyang tumakbo ang salarin na may planong pagsaga sa kanya. Hindi siya ganoon katanga para hindi malaman na siya talaga ang puntirya ng nagmamaneho roon!

“Attorney, tatakas siya!” sambit niya rito kasabay ng mabilis na pagkagulat nang m