CHAPTER 145: Meeting the Tragedy

MAKAILANG ULIT ANG naging pagbabasa ni Duncan sa mensahe na ipinadala ng kanyang asawa. Hindi niya alam kung paano nito iyon nakuha gayong sigurado siya na nasa tagong lalagyan sa kanilang bahay ang mga bagay na magiging dahilan upang mapabagsak siya. Siya lamang ang nakakaalam ng pinaglagyan niya kaya hindi niya lubos maisip kung paano iyon napunta sa kamay ng kanyang asawa.

Heto na naman ang pagparoo’t parito niya matapos na suklayin ang kanyang buhok. Gagamitin niya ang ebidensyang iyon sa kanyang tiyuhin sa oras na baliktarin siya nito isang araw ngunit hindi niya akalain na sa kanya pala iyon magagamit para mapawalang bisa ang kasal nilang mag-asawa.

Nasuklay niya na naman ang buhok niya kasabay ng magkakasunod niyang pag-iling. Hindi siya babagsak ng ganito. Isasama niya pababa ang tiyuhin sa oras na hindi makagawa ng paraan kung paano nila mareresolba ang problemang ito.

“Bakit may ebidensya?” tanong kaagad ni Benjamin at galit na galit na sumugod sa kanya kasabay ng pagkwelyo