CHAPTER 142: Cat and Dog

NANG SILA NA lamang ang naiwan kasama ng ibang mga empleyado, makikita sa mukha ni Victoria ang pagkabalisa. Kahit siguro ito’y hindi makapaniwala na naisahan niya ang dalawa. Sa mga nakaraang araw, mas napagtatanto ni Liberty kung gaano siya katanga para maniwala sa lahat.

Sasaglit lamang nang makaalis si Duncan ay dumating naman ang mga pulis. Si Victoria kaagad ang tinanong ng kakilala nito katulad na rin ng pagmamalaki ng babae. Ngunit kung gaano kataas ang kompyansa nito kanina sa sarili nang sumugod sa kumpanya ay hindi naman makaharap ngayon ang biyenan niya sa mga pulis.

Ganoon na lamang tuloy ang pag-iling niya nang magsimulang kwestyonin ang babae ukol sa nangyari.

“Hindi na ako magsasampa ng kaso,” sabi niya sa mga ito nang walang paligoy-ligoy. “Wala ho akong oras na umitindi sa wala namang kwentang problema. Sana lang, natuto na kayo, Mom. Because, there’s no next time. I’ll make sure the moment you make something unnecessary, I’ll give it back to you three times. I hope