CHAPTER 143: Giving His All

DALI-DALI ANG PAGTATAGO ni Duncan nang makita ang mga reporter na nagkumpulan sa harap ng apartment ni Merideth. Hindi niya akalain na ganito na pala kalala ang kanilang problema dahil tinalo pa nila ngayon ang mga kriminal na kinakailangang magtago sa publiko.

Mas iniyuko niya pa ang kanyang ulo nang lumingon ang iilan dahil sa pagpukaw ng tunog ng sasakyan niya. Hindi iyon tinted kaya ganoon na lamang ang pagtatago niya hindi lamang makita.

Mabuti na lamang at tama ang naging desisyon niya na huwag munang pauwiin dito si Merideth at siya na lamang ang kukuha ng mga gamit nito para makalipat muna sa bahay ng kanyang mommy. Ngunit kahit siya ay mabibigong kunin iyon at ipakikisuyo na lamang sa mga katulong.

Bago pa man makakuha ng atensyon, ganoon na lamang din ang muling pagpapaharurot niya ng sasakyan paalis sa lugar.

Habang nasa biyahe, hindi niya talaga maiwasang huwag isipin ngayon kung saan na siya tutuloy dahil kahit ang iniregalong bahay sa kanya ng lolo niya at binawi nito. T