CHAPTER 135: What a Nice Play

HALOS MABALIW-BALIW NA sa paghahanap si Duncan kay Liberty ngunit hindi niya pa rin makita ang asawa. Gusto niya pa naman itong makausap tungkol sa ginawang nitong pagbato sa iniregalo niya at makiusap dito na bumalik na sa kanilang bahay ngunit mukhang hindi iyon magiging madali lalo pa’t mukhang desidido na itong hiwalayan siya.

“Hindi iyon mangyayari!” malakas niyang sambit sa sarili habang pabalik-balik sa paglalakad sa labas ng pavillion. Ganoon kalayo ang nalakad niya mahanap lang ang asawa. Ngunit dahil bigo siya, wala siyang magawa kung hindi ang bumalik na lamang sa selebrasyon.

Itinatak niya sa isipan na hindi pwedeng may makapansin ng pagkakalabuan nila ng asawa lalong-lalo na na ang lolo niya.

“Hindi ko rin nakita ang uncle!” malakas ang naging pagmumura ni Duncan nang maalala na bigla na lamang ding nawala ang tiyuhin niya sa selebrasyon kanina.

Sa isiping maaaring magkasama ang dalawa ay ganoon na lamang ang pandidilim ng paningin niya.

“Walang relasyong namamagitan sa