CHAPTER 136: Her Final Realization

PILIT NA PINIPIGIL ni King ang galit niya nang magising sa banyo ni Duncan. Dahil sa matinding epekto ng dróga at tama niyon sa katawan niya ay hindi niya nakayanan ang mga nararamdaman at nakatulog nang hindi niya namamalayan.

Hindi niya makakalimutan ang naramdaman kagabi na para bang hindi niya na alam kung ano ang totoo sa hindi habang nasa loob ng banyo. Pakiramdam niya rin ay ilang ulit siyang nagkakasala kahit ang totoo’y wala naman siyang ginagawa sa loob ng banyo dahil sa tama niyon sa kanyang utak.

Para makaramdam ng ganoon ay tila ba bangungot sa kanya. Ngayon lamang siya nakaramdam ng pagkababa ng sarili dahil sa paglalaro ng kapatid niya sa kanya.

Hindi kaagad siya lumabas ng kwarto ni Duncan, si James ang ipinatawag niya kasama ng family doktor nilang mga Salvantez. Mukhang hindi rin alam ng mga tao sa bahay na narito siya sa kwarto ni Duncan dahil nagulat pa ito nang mabungaran siya doon.

“S-sir?” gulat na tanong nito sa kanya nang makita siyang nakahiga sa kama.

“Wher