Kabanata 30

Dahan-dahang minulat ni Alea ang kaniyang mga mata. Iba na ang nakikita niya sa paligid. Hindi na mga nyebe ang makikita sa paligid kundi puro mga bato at tubig na umaagos. Hinanap ng kaniyang mga mata si Yulan ngunit hindi niya ito makita. Tinawag niya ang pangalan nito ngunit walang Yulan na sumasagot.  Nagpalakad- lakad siya habang tinatawag ang pangalan ng lalaki hanggang sa may nakita siyang lalaking nakatayo sa di kalayuan. Ang kasuotan nito, tindig at hubog ng katawan ay kapareho kay Yulan. 

"Yulan!" Sigaw ni Alea ngunit hindi man lang ito lumingon. Agad niya itong nilapitan. Tinakbo niya ang kanilang pagitan at nang makalapit ay hinila niya ang braso nito upang maiharap niya ito sa kaniya. "Yulan!"

Tumingin ito sa kaniya at agad na ngumiti nang siya ay makita. Ngunit parang kakaiba ang kaniyang nararamdaman sa mga ngiti ng lalaki.

"Alea, kanina pa kita hinahanap. Mabuti na lamang at ako'y iyong nakita."

"Ano ba ang nangyari, Yulan?"<