Kabanata 34

Ang takot ay pilit na tinataboy ni Alea. Pumasok siya sa kaharian at agad na hinanap ang hari. "Ama!" pagtawag niya rito. Agad na lumapit sa kaniya ang hari at yumakap. "Mabuti't nakabalik ka na, aking anak." Nagpalinga-linga ang hari sa paligid. " Nasaan si Prinsipe Akillus? Bakit hindi mo siya kasama?" tanong nito.

"Pinatawag siya ng kaniyang ama kaya umuwi siya kaagad pagkatapos niya akong ihatid dito sa ating kaharian, ama." Napatango-tango na lamang ang hari nang marinig ang sagot ni Alea. 

Lihim na tiningnan ni Alea ang setro na dala ng hari. Pursigido na siyang makuha iyon sa lalong madaling panahon. Ngunit ang minsang pagsulyap ni Alea sa setro ay napansin ng hari.

"Ika'y hindi pa rin talaga nagbabago. Mula nang ika'y bata pa lamang ay nais mo na talagang makuha ito at paglaruan," sabi ng hari.

Napatitig si Alea sa mukha ng hari. Huminga siya ng malalim upang pakalmahin ang sarili. Tinago niya ang nanginginig niyang mga kamay sa kaniyang liko