Kabanata 38

Wala ng sakit na nararamdaman si Alea sa kaniyang katawan. Pakiramdam niya ang lakas-lakas niya. Tumayo siya at naglakad patungo sa kinaroroonan ng prinsipe. Hinaplos niya ang mukha nito at hinalikan sa noo. Kinuha niya ang espadang pagmamay-ari ni Yulan at mahigpit itong hinawakan. "Magbabayad sila sa kanilang kasamaan. Sisiguraduhin kong magbabayad sila, Yulan." Walang tigil sa pag-agos ang mga luha sa mga mata ni Alea. 

"May Mga faraya! Maghanda kayo! May mga faraya!" Sigaw ng isang kawal. 

Sa paglingon ni Alea ay nakita niya ang napakaraming paparating. Kagaya niya ay nakasuot din ang mga ito ng pulang balabal. 

May ibon na dumating at kinuha si Yulan gamit ang mga kuko nito. "Gamutin niyo sana siya kaibigan. Huwag niyong hayaang mawala ang mahal na prinsipe, nagmamakaawa ako." Hinatid ng tanaw ni Alea ang ibong nagdala kay Yulan hanggang sa mawala na ito sa kaniyang paningin.

Ang kaninang malungkot na mukha ni Alea ay napalitan ng sery