Kabanata 44

Sumikat muli ang araw at humalik ito sa pisngi ni Alea. Nagising naman ang dalaga dahil sa nararamdamang init sa mukha. "Nasaan ako?" tanong niya sa kaniyang isipan. Inilibot niya ang kaniyang paningin sa paligid at napansin ang pamilyar na bahay. Dahan-dahan siyang bumangon at napansing iba na ang kaniyang suot na damit. "Lola?" pagtawag niya kay Freya.

"O, Alea. Mabuti't gising ka na. Nagluto ako ng masarap na pagkain. Halika na't kumain," sabi ni Freya.

"Salamat, lola pero busog pa po ako."

"Alea, dapat kang kumain upang tuluyan ka nang gumaling. Alam mo bang napakataas ng iyong lagnat kagabi?"

"Wala po talaga akong gana, lola."

"Kung hindi ka kakain ay hindi na rin ako kakain. Ako'y magtitiis na lang din sa gutom."

Walang nagawa si Alea kundi ang sumunod na lamang kay Freya. Pilit siyang kumain kahit na parang hindi niya nalalasahan ang kaniyang kinakain.

"Lola, aalis lang po ako. Matatagalan po siguro ako sa pag-uwi," pagpa