Kabanata 46

Lakad-takbo ang ginawa ni Alea habang hinahanap ang kaibigang si Iris. "Iris!" Sigaw niya nang makita ang kaibigan na kasama ng mga tagasilbi at tumatakbo palayo. "Iris!" muling sigaw niya ngunit nagpatuloy lamang ito sa pagtakbo. Hahabulin na sana ni Alea ang kaibigan ngunit nakarinig siya ng isang iyak at humihingi ng tulong. Nais niyang sundan ang kaibigan ngunit hindi niya magawang balewalain lamang ang narinig. Agad niyang nilapitan ang pinanggalingan ng boses. Nakita niya ang isang babae na nakaupo sa sahig at napapaatras dahil may isang dragon sa harapan nito. Napaka kalat ng buong paligid. May mga butas at sira na rin ang iilang parte ng pader. 

"Ahhh! Sigaw ng babae nang tuluyan na ngang nakalapit ang dragon at pinagkatitigan siya. Nanginginig ang kanyang mga kamay dahil sa sobrang takot. "Maawa ka, huwag mo akong saktan," wika ng babae habang wala pa ring tigil sa pag-iyak.

"Hoy, batang dragon! Ako Ang harapin mo!" Sigaw ni Alea. Inangat ng dragon ang ka