Chapter 75

Matagal na nakatitig si Skye sa malaking frame sa salas niya. Napakaganda noon na ipininta pa ng isang magaling na pintor na binayaran niya. Masaya ang mukha nito, larawan ng tagumpay dahil sa nakamit na mga pangarap.

Ito ang litrato ni Isabella noong graduation ng dalaga. Hiningi niya iyon kay Carl bago siya bumalik ng isla noon.

“I think, this is the right time to bring her back,” he said to himself.

Pagkatapos niyang magtiis para tuparin ang mga pangako niya, sa mga sandaling iyon ay hindi na siya mapipigilan pa ng kahit na sino; kahit pa ng pamilya niya.

Naalala niya nang huli niyang makita ang dalaga sa hospital noon. Hindi niya alam na iyon na pala talaga ang huli at tuluyan na silang magkakalayo.

Lumabas siya ng bar noon at nakita si Yumi. Lantaran nitong ipinakita ang pagkagustong may mangyari sa kanila. Lasing na lasing ito noon, pero hindi niya maatim na patulan ang babae. Ang damit nitong halos ipangalandakan na ang dibdib sa lahat ay muli niyang ibinaba.

“Skye, what you